Cəmiyyət
Gəncədə Qəmbər Hüseynlinin abidəsinin ətrafında aparılan yenidənqurma işləri tamamlanmaq üzrədir
Gəncədə abadlıq-quruculuq işləri geniş vüsət alıb. Şəhərin park və xiyabanlarında, o cümlədən digər ərazilərində mütəmadi olaraq iməciliklər təşkil olunur, ağac və gül kolları əkilir, məişət tullantılarından təmizlənir.
Daha öncə xəbər verdiyimiz kimi, dahi bəstəkar Qəmbər Hüseynlinin abidəsinin yerləşdiyi ərazidə də yenidənqurma işləri aparılır. Gəncə Şəhər İcra Hakimiyyətinin başçısı Niyazi Bayramov sözügedən əraziyə gedərək, görülən işlərlə yerində tanış olub. Şəhər rəhbərinə bildirilib ki, hazırda parkda təmir-bərpa işlər yekunlaşmaq üzrədir. Belə ki, parkın ərazisinə daş döşəmələr döşənib, yeni oturacaqlar qoyulub, zibil qutuları yeniləri ilə əvəz olunub, yaşıllıqlar salınıb. O da bildirilib ki, parkda uşaqlar və böyüklər üçün müxtəlif əyləncə və idman qurğuları quraşdırılacaq. Təmir işləri yekunlaşdıqdan sonra ərazidə genişmiqyaslı iməcilik təşkil olunacaqdır.
Görülən işlərlə yerində tanış olan Niyazi Bayramov, bəzi məsələlərlə bağlı aidiyyəti şəxslərə öz tapşırıq və tövsiyələrini verib.
Qeyd edək ki, görülən bütün işlər şəhər sakinlərinin asudə vaxtlarından səmərəli istifadəsi üçün nəzərdə tutulub.
“Fevralın 4-də Bakı şəhərində Cənub Qaz Dəhlizi Məşvərət Şurası çərçivəsində nazirlərin VIII toplantısı keçirilib. Azərbaycan Prezidenti İlham Əliyev toplantıda iştirak edib. XXI əsrin ən böyük layihələrindən biri olan Cənub Qaz Dəhlizi dörd seqmentdən - “Şahdəniz Mərhələ-II”, Cənubi Qafqaz Boru Kəməri, TANAP və TAP qaz boru kəmərindən ibarətdir. Prezident İlham Əliyevin təşəbbüsü ilə yaradılan Cənub Qaz Dəhlizi Məşvərət Şurası çərçivəsində nazirlərin toplantısı hər dəfə Azərbaycanda keçirilir. Bu, ölkəmizin bu layihədə aparıcı rolunu təsdiqləyən amillərdən biridir. Prezident İlham Əliyev toplantıda çıxış edib və çıxışı zamanı bir çox mühüm məsələləri, o cümlədən Azərbaycanın nəhəng neft-qaz və bərpaolunan enerji potensialına malik bir ölkə olduğunu qeyd edib”. Bu fikirləri Gəncə Şəhər İcra Hakimiyyətinin başçısı Niyazi Bayramov deyib.
Azərbaycanın isbat edilmiş qaz ehtiyatı 2,6 trilyon kubmetr təşkil edir. Ən böyük yataq “Şahdəniz”dir ki, burda qaz həcmi 1,5 trilyon kubmetr təşkil edir. “Abşeron”, “Babək”, “Ümid” və “Azəri-Çıraq” yataqları da böyük həcmdə qaz ehtiyatlarına malikdir. Yeni yataqların kəşfi sahəsində yeni texnologiyaların sürətlə inkişafı gələcəkdə bu ehtiyatlarların daha çox olmasına şərait yaradır. Mövcud qaz ehtiyatları qaz ixracının ildən-ilə artırılmasına imkan yaradır. 2020-ci ilin sonundan etibarən, Cənub Qaz Dəhlizi layihəsinin tamamlanmasından sonra Azərbaycan beynəlxalq bazarlara, o cümlədən Avropa bazarına qaz ixracını artırıb. Keçən il Azərbaycan 19 milyard kubmetr təbii qaz ixrac edib.
“Cənab Prezident öz çıxışında qeyd edib ki, Azərbaycan dünyanın xam neft, təbii qaz, neft-kimya məhsulları, neft məhsulları və elektrik enerjisi ixrac edən az sayda ölkələrindən biridir. Azərbaycanda son illərdə elektrik enerjisi ifrastrukturuna böyük həcmdə investisiya yatırılıb. 2021-ci iln yanvar ayında Səudiyyə Ərəbistanının “ACWA Power” şirkəti tərəfindən maliyyələşdiriləcək ilk böyük bərpaolunan enerji layihəsinin -240 meqavat gücündə Külək Elektrik Stansiyasının təməlqoyma mərasimi keçirilib. Hazırda Azərbaycan dörd qonşu ölkəyə- Türkiyə, Rusiya, Gürcüstan və İrana elektrik enerjisi ixrac edir. Gələcəkdə bu ölkələrin sayı arta bilər. Azərbaycanın Energetika Nazirliyi aparıcı beynəlxalq şirkətlərlə birlikdə işğaldan azad olunmuş ərazilərdə- Qarabağ və Şərqi Zəngəzurda “yaşıl enerji” zonası üçün konseptual proqnoz hazırlayıb. Bu regionda külək enerjisinin potensialı təxminən 7200 meqavat, Günəş enerjisində potensial 2000 meqavatdan çoxdur. Azərbaycanda “yaşıl enerji” nin inkişafına dair strategiyanın bir istiqaməti də Xəzər dənizi ilə əlaqədardır. İlkin rəqəmlər göstərir ki, Xəzər dənizinin texniki potensialı 150 min meqavatdan çoxdur. Bütün bu qeyd olunanlar göstərir ki, Azərbaycan Prezidenti İlham Əliyevin müəyyənləşdirdiyi uğurlu enerji strategiyası nəticəsində Azərbaycan nəhəng neft-qaz ehtiyatları və bərpaolunan enerji potensialına malik bir ölkə sayılır və bu potensial Azərbaycanın daha sürətlə inkişaf etməsinə, qarşıda duran bütün vəzifələrin uğurla həyata keçirilməsinə şərait yaradacaq”.
Daha çox xəbər:
Mübariz Əhmədzadə: Prezident İlham Əliyevin bütün digər rayon və bölgələrə etdiyi səfərlər kimi, Gəncə şəhərinə səfəri də bir çox mühüm açılışlar və təməlqoyma mərasimləri ilə əlamətdar olub
Prezident İlham Əliyev AZƏRTAC-a müsahibə verib - TAM MƏTN
Prezident İlham Əliyev Gəncədə səfərdədir - YENİLƏNİB
Bu gün Hacı Zeynalabdin Tağıyevin anım günüdür
